AENA CLUB KONTRATATZEKO ZEHAZTAPENAK ETA BALDINTZAK

Aena Club Aena-ren fidelizazio-programa bat da, eta bere helburu nagusia Aena-k aireportuetan eskaintzen dituen zerbitzuak (aparkalekua. VIP zerbitzuak, dendak eta abar) maiz erabiltzen dituzten erabiltzaileen fideltasuna saritzea da.

Identifikazioa

Aena Club fidelizazio-programa Aena S.M.E., S.A enpresarena da (aurrerantzean, “Aena”), Espainiako aireportuen sarearen titularrarena. Aenak nortasun juridiko propioa eta Estatuarenarengandik bereizia du, gaitasun juridiko eta jarduteko gaitasun osoa bere xedeak erdiesteko, eta ondare propioa. Aena Madrilgo Merkataritza Erregistroan jasota dago (28.806 liburukia, 211 folioa, 8. atala, M-51864 orria)

  • Aenaren datuak
  • Helbidea: Peonías, 12 28042 Madril
  • IFK: A86212420
  • Harremanetarako telefonoa: (+34) 91 321 10 00

1. Helburua

Dokumentu honetan Aena Club-en zerbitzuak ematea arautzen dituzten Zehaztapenak eta baldintzak zehazten dira, Plataformaren bidez Club-eko kide izatearen onura eta abantaila sorta eskainiz.

Aena Club-ek eskainitako deskontuak eta promozioak aprobetxatzeko, Club-eko kide egin beharko zara plataforman xede horretarako gaitu diren kanaletan adierazten diren urratsak eginez, eta hori eginez gero, Kontratazioaren zehaztapenak eta baldintzak berariaz onartzen dituzula ulertuko da, eta Club-eko kide gisa kontratu bat sinatzeak izango lukeen baliozkotasun bera izango du. Aena Club-eko kide izateko, adinez nagusia izan beharko duzu eta Plataformako ekintzetatik eratorritako betebeharrak zure egiteko behar adina gaitasun izango beharko duzu; era berean, aldez aurretik dokumentu hau irakurri beharko duzu, eta bertako edukia ulertu.

2. Aurretiazko informazioa

Kontratatzeko zehaztapen eta baldintza hauek Aena Club-en webgunean eskura daitezke, nahi duenak eta doan, eta eskubidea gordetzen dugu zehaztapen eta baldintza horiek aldatzeko; beraz, Club-eko kide gisa gure zerbitzuak erabiltzen dituzun bakoitzean dokumentua irakurtzea gomendatzen dizugu, baldintza horiek onartu baino lehen.

Aena Club-eko kide gisa eskaintzen dizkizugun behin betiko onura eta aldian behingo deskontu edo promozioak behar den moduan deskribatzen dira Plataforman eta eskuragarri dituzu; alabaina, berariaz adierazten ez diren zerbitzuak ez direla sartzen ulertuko da.

Webgunean edo aplikazioan nabigatzeak ez du esan nahi Zehaztapenak eta baldintzak onartzen dituzunik. Kontratu hau zure onespenarekin gauzatzen da, Aena Club-eko zehaztapenak eta baldintzak onartzeko laukitxoa markatzen duzunean, Aena Club-eko kide gisa erregistratzeko Plataformak adierazitako urratsak amaitzera zoazenean.

Informazioaren kudeaketan hautemandako balizko errore teknikoak identifikatu eta zuzentzeko egokiak eta beharrezkoak diren bitarteko teknikoak gehituko dira.

Kontrataziorako Plataforman aurreikusitako hizkuntzetako bat erabili ahal izango duzu, eta kontratu hau aukeratu duzun hizkuntza horretan gauzatuko da.

3. Aena Club zerbitzuaren funtzionamendua

Aena Club-en funtzionamendua Club-eko kide gisa erregistratzen diren erabiltzaileei eskura ditzaketen abantaila sorta zabala eskaintzean oinarritzen da:

Onura iraunkorrak Aenak zuzenean eskainitako zerbitzu hauetan:

  • Aparkaleku-zerbitzua:

    Ibilgailua aireportuetako aparkalekuan aparkatzea

    Aparkaleku-zerbitzua mugikorraren bidez ordaintzea

    Aparkalekua matrikula bidez ordaintzeko zerbitzua aktibatzea

  • VIP zerbitzuak:

    VIP aretoetarako sarrerak

    Fast track / Fast lane zerbitzurako sarrerak

  • Marketplace:

    Foodtofly

    Shoptofly

  • Eta Aena Club-en webgunean eskaintzen diren beste onura batzuk

Deskontuak edo unean uneko promozioak aireportuetako denda, jatetxe, auto-alokairu eta abarretan. Klubeko bazkide izateagatik beste abantaila batzuetarako deskontu gehigarriak barne. Baita Aena-ren enpresa laguntzaileek Aena Club-eko kideei eskaintzen dizkieten beste onura eta promozio esklusibo guztiak ere.

Erabiltzaile batek Aena Club-eko bazkide gisa harpidetu nahi duenean (edozein modalitatetan), Baldintza orokor hauek irakurri eta onartu behar ditu. Eskainitako zerbitzuak modalitate desberdinak ditu:

  • Doako modalitatea (Básico plana) erabiltzailea erregistratzen denean, onura eta abantaila batzuk eskuratuko ditu beti.
  • Harpidetza-modalitatea (PLUS edo VIP plana): erabiltzailea aldez aurretik doako modalitatean erregistratu behar da, eta ordainketa bat eginda, harpidedunentzako esklusiboak diren onura batzuk eskura ditzake. Erabiltzaileak modalitate bakoitzari ezarritako prezioa ordaindu beharko du, baita aplikagarri diren zergak ere, hala balegokio, eta hori guztia une oro indarrean diren tarifen arabera. Modalitate honetan onura esklusiboak lortzeko ordainketa kreditu-txartel bidez egin daiteke.

3.1. Kontratatzeko prozedura

Aena Club-eko kide izateko Bazkide gisa erregistratu beharko duzu, horretarako, aurrez Aena Club-eko kide gisa erregistratzeko inprimakia beteta eta Zehaztapen eta baldintza hauek berariaz onartuta.

Aena Club-eko kide gisa eskubidea izango duzu klubak gure edozein zerbitzutan (Aparkalekua, VIP zerbitzuak, Aena Market: Food to Fly, Shop to Fly, Aena Travel eta abar) eskaintzen dizkizun onurak: eta abantailak eskuratzeko, baina horretarako bazkide gisa identifikatu beharko duzu Aenak emandako identifikazio-mekanismoen bidez.

Bazkide gisa (Básico plana) erregistratu eta gero, ordaindutako harpidetza-zerbitzua kontratatu ahal izango duzu aukeratzen duzun modalitatearen (PLUS plana edo VIP plana) arabera, plan bakoitzak eskaintzen dizkizun onura esklusiboak eskuratuz. Horretarako, aukeratzen duzun ordaindutako harpidetza-plana eskuratu beharko duzu, eta harpidetza ordaintzeko ezinbestekoak diren banku-datuak eskatuko dizkizugu. Ordaindu eta, gehienez ere, 24 orduko epean, adierazitako helbide elektronikoan, kontratatu duzun Aena Club-aren berrespena jasoko duzu, eta automatiko emango da aipatutako onura guztiak eskuratzeko plataformarako sarbidea. Une horretatik aurrera, abantaila guztiez gozatu ahal izango duzu, eta harpidetza automatikoki berritu ahal izango duzu hiru hilabetez behin, eskainitako edozein modalitateren bidez.

Aenak ez du inolako erantzukizunik, harpidetzaren ordainketa dela eta, bazkideak emandako informazioaren konfidentzialtasunari eta segurtasunari dagokionez, informazio eta datu horien tratamendua Aenaren kontrolpetik kanpo baitaude.

3.2 Aena Club-eko kide izatearen erantzukizuna.

Aena Club-eko kide gisa aitortzen duzu 18 urte baino gehiago dituzula eta Zehaztapen eta baldintza hauek onartzeko beharrezko legezko gaitasuna daukazula. Bazkide gisa bermatzen duzu erregistro-inprimakia betetzean eta, hala balegokio, harpidetza egitean, emandako datu guztiak egiazkoak direla. Era berean, hitzematen duzu emandako informazio guztiak haren benetako egoera islatuko duela unean-unean, eta zu arduratuko zarela informazio hori eguneratuta edukitzeaz. Club-eko kide zarenez, bazkideen erregistro-eremuaren bidez alda ditzakezu zure datuak.

Erregistratu eta gero, konpromisoa hartzen duzu Club-ak eskainitako abantaila eta onura guztiak eskuratzeko pasahitza eta/edo bazkide-zenbakia arduratsu erabiltzeko eta isilpean gordetzeko. Ondorioz, zure dagokizu Aenak ematen dizkizun identifikatzaile edo pasahitzak behar bezala zaintzea eta isilpean gordetzea, eta hitzematen duzu ez dizkiezula hirugarrenei lagako, ez aldi batez, ez betiko, ezta kanpokoei sartzen utziko ere. Bazkidea izango da erantzulea baimenik ez duen hirugarren batek Club-ak eskainitako zerbitzuak eta produktuak bidegabe erabiltzen baditu, bazkideak pasahitza behar ez bezala erabili duelako edo galdu egin duelako.

Club-eko bazkide gisa, bidezko ikusten duzunean, pasahitza aldatu ahal izango duzu.

3.3. Aldeen betebeharrak

Aena Club-eko bazkide edo kide gisa betebehar hauek dituzu:

  1. Kontratu honetan dauden Aena Club zerbitzuaren Zehaztapen eta baldintza orokorrak errespetatzea.
  2. Club-eko bazkide edo kide gisa identifikatzea, ziurtagiri bidez, pertsonalki identifikatu behar izanez gero.
  3. Aenari berehala jakinaraztea emandako gakoak, pasahitzak edo bazkide-zenbakia lapurtu edo galdu badira.
  4. Aenari berehala jakinaraztea helbide elektronikoa aldatu bada, helbide honetara idatzita: clubcliente@aena.es

Aenak hauek egin behar ditu:

  1. Titularrak salatuz gero gakoak, pasahitzak edo txartelak lapurtu dizkiotela edo galdu zaizkiola, haiek baliogabetzea eta berriak ematea, ezarritako prozeduren arabera.
  2. Zerbitzura harpidetzean bazkide gisa jasotako datu pertsonalak isilpean gordetzea. Bazkidearen gorabehera, iradokizun edo kexei erantzutea, bezeroarentzako arretarako telefonoaren bidez, (+34) 91 321 10 00, edo helbide elektroniko honen bidez: clubcliente@aena.es.

4. Kluben fidelizazio-programak

Aena Club-eko bazkide eta kide gisa zerbitzua hobetzeko, beste klub batzuekin lotzeko eskatu ahal izango duzu. Bazkide gisa Club-ari lotu zatzaizkioke, edo harekiko lotura ken dezakezu.

5. Aena Club-i lotutako zerbitzuen baldintzak

Aena Club-eko kide bazara jada, Aena-ko beste atari batzuetan sartu ahal izango zara Aena Club-eko kontuarekin, berriz erregistratu beharrik gabe.

Onura iraunkorrak eta unean uneko deskontuak eta promozioak une oro ikus ditzakezu Aena Club-eko webgunean, baita lotutako zerbitzuaren webgunean ere.

Nahi izanez gero, eta aukeratu duzun modalitatearen arabera, Aena Club-ek promozio eta deskontu esklusiboei buruzko informazio eguneratua bidaltzeko aukera ere badaukazu. Informazio hori jasotzeko, zure onespena eman beharko duzu.

5.1 Club-ari lotutako zerbitzuaren abantailak

Aena Club-ek Club-ari lotutako zerbitzu hauen onura hauek eskaintzen dizkie kideei:

5.1.1 Onura iraunkorrak Aena beraren zerbitzuetan:

Aireportuetako aparkalekuetan: profilean gehitutako matrikula duten ibilgailuen egonaldietan deskontuak eta promozioak. Aparkaleku-zerbitzua erabiliz gero, autoaren matrikula-zenbakia gordeko da, aparkaleku-zerbitzua zenbat denboraz erabili duzun jakiteko eta denbora hori fakturatu ahal izateko. Aparkalekuaren deskontuak aplikatu ahal izateko, egonaldi guztia kontratatutako harpidetza-aldiaren barruan egon behar du.

VIP zerbitzuetan: VIP aretoetarako eta Fast Track eta Fast Lane zerbitzuetarako sarreren deskontuak eta promozioak, zerbitzu horiek ematen badira eta lekurik badago. Aenak kudeatutako VIP aretora sartzeko sarrera bat edo Fast lane/Fast track zerbitzuetarako sarrera bat erosten baduzu, NANa aurkeztu beharko duzu identifikatzeko.

5.1.2 Unean uneko deskontuak eta promozioak aireportuko dendetan eta jatetxeetan, auto-alokairuetan eta abar. Baita klubeko kide izateagatik Aenarekin lankidetzan aritzen diren hirugarrenen enpresek emandako beste onura batzuen deskontu osagarriak ere.

Aenaren eta aireportuetan dauden denden artean sinatutako unean uneko Akordioen araberakoak dira. Promozio horiek Aena Club-en webgunean eta aplikazioan jakinarazten dira eta helbide elektroniko bat ere bidal dakizuke informazio horrekin, zure onespena ematen badiguzu.

5.1.3 Mugikor bidezko ordainketaren zerbitzua Zerbitzua eskaintzen den aireportuetan, mugikorrarekin ordaindu ahal izango duzu gure aparkalekuetako egonaldia. Klubeko kideei soilik eskaintzen zaie zerbitzua.

5.1.4 Matrikula bidez ordaintzeko zerbitzua aparkalekuan sartu eta bertatik irtetean ibilgailuaren matrikula irakurri eta identifikatzean datza; beraz, ez da tiket bat eman behar sartu eta irteteko. Aparkalekuan sartzean, irakurgailuak erabiltzailearekin lotutako matrikula erregistratua ezagutuko du. Matrikula bidez ordaintzeko zerbitzua aktibatuta badago, hesia automatikoki irekiko da ibilgailua barruan aparkatu ahal izateko. Zerbitzu hau ibilgailuentzat bakarrik da. Beraz, motozikletek ezin izango dute matrikula bidezko ordainketa sistema erabili, matrikula hauek irakurtzea oso zaila baita.

Matrikula bidezko ordainketa zerbitzuan alta emateko, Aena Club-en webgunearen edota Aenaren aplikazio ofizialearen bitartez erabiltzaile-profiletik datuak kudea daitezke. Kanal horietan, une oro eguneratu da zerbitzua non eskaintzen den. Gaur egun, Alacant-Elx, Bartzelona-El Prat Josep Tarradellas, Bilbo, Adolfo Suárez Madrid Barajas eta Valentzian eskaintzen da.

Matrikula bidezko ordainketa sistema erabili ahal izateko, ibilgailuaren datuak eta ordaintzeko modua sartu beharko dira erabiltzaile bakoitzaren profilean. Txartel bati lotutako matrikula bat sartu behar da gutxienez. Gehienez hiru matrikula sar daitezke. Matrikula desberdinetarako txartel bera erabil daiteke, baina ezin dira matrikula bererako txartel desberdinak erabili. Harpidetza-modalitatean, harpidetza-aldian gehitutako hiru matrikuletako bakarra aldatu ahal izango da

Bestalde, ibilgailu bera erabiltzaile batek baino gehiagok erabiltzen badute, aparkalekuko egonaldi-prozesu guztia, ordainketa barne, matrikula bidezko ordainketa zerbitzuan alta eman zuen profilarekin lotuko da, hau da, matrikula erabiltzaile bakar bati bakarrik lotu ahal izango zaio.

Matrikula bidezko ordainketa zerbitzuan alta ematea beharrezkoa da aparkalekura sartu aurretik. Aparkalekuan sartu ondoren, zerbitzu hori aktibatzeak ez du balioko.

Aparkalekutik irteterakoan, erabiltzaileak ez du inolako kudeaketa gehigarririk egin beharko, hesiak matrikula bidezko ordainketarekin lotutako ibilgailua identifikatuko baitu eta aparkalekutik alde egin ahalko duzu tiketik gabe. Une horretan, aukeratutako txartelari dagokion zenbatekoa kargatuko zaio.

5.1.5 MarketPlace Aenak Aena Travel, Foodtofly eta Shoptofly Plataformen bidez eskaintzen duen zerbitzu bat da, eta bertan, aireportuetako Jatetxeetan eta Dendetan saltzen diren produktuak erreserbatu eta erosi ahal izango dituzu. Aena Club-eko kide gisa, ez duzu berriz erregistratu beharko Plataformetan sartzeko eta une oro eskaintzen diren deskontuez eta promozioez gozatzeko.

6. Aena Club-eko bazkidetzaren iraupena

Modu mugagabean izan zaitezke Aena Club-aren doako modalitateko (Básico plana) kide, Club-eko bazkidetzaren kontua baliogabetzen duzun arte.

Club-eko bazkide izateagatik dauzkazun ordaindutako harpidetzek (PLUS plana edo VIP plana) hiruhileko iraupena dute, Acena Cluh-ek onura esklusiboak dituzula jakinarazten dizun datatik hasi eta hirugarren hilabeteko egun bereko 00:00ak (penintsulako ordua) arte. Alabaina, harpidetza automatikoki berrituko da hiruhileko epean, hiruhileko epe bakoitza amaitu baino gutxienez egun bat lehenago, erabiltzaileak Aena Club-eko profilean harpidetza ez berritzeko aukera aktibatzen duenean izan ezik; kasu horretan, baja indarrean sartuko den lehen eguna hurrengo hilabeteko lehen eguna izango da.

Berritze automatiko gabeko ordaindutako harpidetzaren aldia amaitu eta gero, Básico planera pasatuko da

Harpidetza baliogabetzeko, harpidetza berritzen denetik hasita hamalau (14) eguneko epean atzera egiteko eskubidea gauzatu ahal izango duzu, kontratatutako modalitateko onurarik erabili ez bada, kontuko eremu pertsonalean xede horretarako gaitutako estekaren bidez.

7. Aena Club-eko bazkidetzan baja ematea

Club-eko kide gisa, noiznahi baliogabe dezakezu zure bazkide-kontua, baita ordaindutako harpidetzan baja eman ere, Aena Club-eko web-atariko zure profilean, “Nire kontua” atalean.

Bazkide-kontua baliogabetzeko eta harpidetzan baja emanez gero, zerbitzua erabiltzeari eta Club-eko kide izatearen onurei buruzko eskubide guztiak galduko dira.

Aena-k edozein bazkideren Club-eko bazkide-kontua automatikoki baliogabetzeko eskubidea gordetzen du, baita ordaindutako harpidetzan baja emateko eskubidea ere, bazkideak iruzurra egiteko, espekulatzeko edo asmo txarreko ekintzak egin dituela edo kontuaren erabilera okerra egin dela hautematen badu.

Indarreko legerian edo dokumentu honetako baldintza orokorretan jasotako betebehar edo baldintzaren bat bete ezean, Aenak arauak urratu dituen bazkide-kontua baliogabe dezake, eta zure harpidetza bertan behera utzi.

Aena Club-eko kidetzaren baja indarrean sartzen den unean, funtzionalitate guztiak eskuragarri izateari utziko zaio. Halere, noiznahi eska dezakezu berriro ere bazkide gisa erregistratzea, baina kontuan izan baja hartu duzunez, ezin izango duzula aurrez egindako erreserben datuetan sartu.

8. Aena Club zerbitzuaren murrizketa

Aenak beretzat gordeko du diskrezioz, edonoiz eta aldez aurretik ezer jakinarazi beharrik gabe Aena Club-eko bazkide izateari uzteko eskubidea, baldin eta Zehaztapen eta baldintza hauek eta indarreko legeria urratzen badira.

Aenak bazkide baten erregistro berriak ez onartzeko eskubidea gordetzen du, Zehaztapen eta baldintza hauetan edota Plataformaren Pribatutasun-politikan zehaztutakoarekin bat ez badator, baita Aena Club-ek onar ditzakeen jokabide-arau osagarrietan zehaztutakoarekin ere. Era berean, Aenak ezingo du erregistro hori onartu ebatzi gabeko gatazka edo gorabeheraren bat badago edo Erabiltzailearen errua edo zabarkeria edo Aenak laguntzaileei eta bazkideei, edo bere Erabiltzaileei, bezeroei edo balizko bezeroei kalteren bat egin diela aitortzen duen epai batekin amaitu bada.

9. Plataformaren erabilera

Aena Club-eko Plataforman sartzean, ongi erabiltzearen eta nabigatzearen ardura izango duzu, bertan eskaintzen diren Zerbitzuak asmo legitimo eta bidezko asmoetarako erabili beharko duzu. Adibide gisa, baina horietara soilik mugatu gabe, debekatuta dago:

  • (i) Plataforma edo Zerbitzuak legez kanpoko xedeetarako erabiltzea.
  • (ii) Plataforma Plataformaren edo Aena Club-eko edo edozein hirugarrenen egitura elektronikoen funtzionaltasunean kalteak, eraginkortasun ezak, etenak edo antzeko kalteak eragiteko asmoz erabiltzea.
  • (iii) Plataforma malwarea, birusa edo antzeko programak transmititzeko edo pertsonak molesta ditzakeen izaera erasokor, arrazista, iraingarri edo pornografikoa duten edukiak argitaratzeko edo zabaltzeko erabiltzea.
  • (iv) Plataforma Aenako interesen kaltetan erabiltzea.
  • (v) Plataforman nortasun faltsu batekin erregistratzea.
  • (vi) Plataforma publizitate-asmoetarako erabiltzea; adibidez, spama edo antzekoak bidaltzeko.
  • (vii) Aenak ezarritako segurtasun-neurriak haustea.
  • (viii) Programa betetzea helburu duten ekintzak egitea, Plataformaren funtzionamendu onari kalte egitea, eta edozein kasutan.
  • (ix) Plataforma legez kanpo erabiltzea.

Aurreko atalean zerrendatutako egoeraren bat aurkituz gero, Aenak, Aena Club-eko titular denez, bidezko jotako neurriak hartzeko eskubidea gordetzen du.

10. Jabetza intelektualaren eta industrialaren eskubideak

Aenak, Aena Club Markaren eta Plataformaren titular gisa, mugatua, transferiezina, atzeraezina, azpilizentzian eman ezin daitekeen eta Erabiltzailearen gailu pertsonalean Plataformarako sarbide eta erabilera esklusiboa ez duen lizentzia ematen dio Erabiltzaileari. Aenak, Aena Club-en titular gisa, beretzat gordeko du berariaz ematen ez den beste edozein eskubide.

Erabiltzaileak edo edozein hirugarrenek ezin izango ditu ekintza hauek gauzatu:

  • (i) Plataforma edo Zerbitzuak erreproduzitu, aldatu, deribatutako lanak prestatu, banatu, lizentzia ema edo beste modu batera ustiatu, Aenak berariaz baimenik eman ez duenean.
  • (ii) deskonpilatu edo alderantzikatutako ingeniaritza gauzatu Plataforman.
  • (iii) Zerbitzuen edozein zati lotu, islatu edo koadroan sartu.
  • (iv) Datuak edo ekintzak aztertzearekin edo Plataformaren operatibitatea edo funtzionalitatea kaltetzeko ekintzak egiten dituen programaren bat zabaltzea edo kaleratzea.
  • (v) Aenaren egile-eskubideak, bere markari, Plataformari edo Zerbitzuei buruzkoak, aldatzeko edozein ekintza kentzea, aldatzea.

Edonola ere, Plataformaren gaineko jabetza intelektualaren eta industrialaren eskubideak Aenarenak izaten jarraituko dute. Plataforma erabiltzeak, Aena Club-eko kide gisa edota beste edozein harpidetzatan erregistratzeak ez du eskubiderik transferitzen edo ematen:

  • (i) sustatzen diren Zerbitzuekin eta Produktuekin lotuta, edo
  • (ii) enpresaren izenak, logotipoak, produktuaren eta zerbitzuaren izenak, marka komertzialak edo antzeko izareko bestelako elementuak erabiltzea edo aipatzea, Aenak berariazko baimena ematen duenean izan ezik.

11. Harpidetza ordaintzea

Harpidetzaren edozein modalitatetan (PLUS plana edo VIP plana) sartu ahal izateko, aukeratutako modalitatean zehaztutako zenbatekoa ordaindu beharko duzu, aplikagarri diren zergak barne, halakorik balu, eta hori guztian une oro indarrean diren tarifen arabera.

Ordainketa erosteko unean eman diguzun kreditu-txartelaren bidez egingo da, eta indarrean sartuko da Aena Club-ek kontratatu duzun modalitateko onura esklusiboetan sartzeko eskubidea daukazula esaten dizunean adierazi diguzun helbide elektronikoan. Transakzioa gauzatzen ez bada, baliogabetuta geratuko da, eta gertatutakoaren berri emango zaizu. Harpidetza ere baliogabetuta geratuko da.

Aena Club-en ordaindutako harpidetzek hiru hilabeteko iraupena dute, onura esklusiboetan sartzeko eskubidea duzula jakinarazten zaizun unetik hasita. Eta automatikoki berritzen dira hiru hileko aldietan, modalitate bakoitzean adierazitako prezioa ordainduta, erabiltzaileak Aena Club-i harpidetzan baja hartzeko borondatearen berri ematen zaionetik hasita, hiru hilabetez behingo iraungitze-data baino gutxienez egun bat lehenago jakinarazita, eta kasu horretan baja jakinarazpen hori jaso eta hurrengo hilabeteko lehen egunetik sartuko da indarrean.

12. Kontratazio elektronikoa

nformazioaren sozietatearen eta merkataritza elektronikoaren zerbitzuei buruzko uztailaren 11ko 34/2002 Legeko 23. artikuluan xedatzen denari jarraikiz, elektronikoki egindako kontratuek araubide juridikoak aurreikusitako xede guztiekin gauzatzen dira, baliozkoak izateko beharrezko onespenak eta gainerako eskakizunak betetzen dituztenean.

Edonola ere, elektronikoki egindako Kontratazio-baldintza hauek dituen euskarri elektronikoa froga dokumental gisa onartuko dira aldeen artean gatazkarik egonez gero.

Xede horietarako, dagokion harpidetzaren ordainketarekin, eta ondorengo hiruhileko berritzeekin, ulertuko da kontratatzeko beharrezko onespena eman dela.

Era berean, eta Informazioaren sozietatearen eta merkataritza elektronikoaren zerbitzuei buruzko uztailaren 11ko 34/2002 Legeko 27. artikuluan xedatzen denari jarraikiz, Erabiltzaileen eskura jartzen da, kontratatzeko prozedura hasi baino lehen, kontratuari buruko informazio guztia, eta Erabiltzaileak Plataformaren bidez kontratatzea erabakitzen duenean soilik aplikatuko da.

13. Bezeroarentzako arreta-zerbitzua

Bezeroarentzako arreta-zerbitzu bat jartzen dugu zure eskura, Plataformaren bidez Aena Club-eko zerbitzuak kontratatzeari buruz dituzun kontsultei, kexei eta iradokizunei erantzuteko.

Erabiltzaileen eskura jarritako harremanetarako bidea hau da: clubcliente@aena.es baita aireportu bakoitzerako desberdina den harremanetarako eremuan agertzen den telefono-zenbakia ere, eta bertan ahalik eta lasterren erantzungo dizugu.

14. Erantzukizunak

Aldeek konpromisoa hartzen dute Kontratazio-baldintza hauetan sartzen diren legezko eta kontratuzko betebeharrak betetzeko.

Aldeek pertsonalki egindako lege-hausteen aurrean erantzungo dute beste aldeari egotz ezin dakiokeen edozein errore, erru edo zabarkeriaren aurrean kalte-ordaina emango zaiola bermatuz, baita kontratuaren beste aldeari egotz ezin zaizkion arau-hauste edo errore horietatik eratorritako edozein kalteren aurrean ere.

Aena, Aena Club markaren eta Plataformaren titular gisa, informazioaren sozietatearen zerbitzu-emaile gisa konfiguratzen da, horrek berekin dakartzan erantzukizuna-mugekin.

Aenak Plataforma bidegabe erabiltzearen edo baldintza orokor hauetan bildutako arauak ez betetzeagatik erantzukizunak eskatzeko eskubidea gordetzen du.

Norbaitek zure izenean edo bere kontura Plataforma modu akastunean, partzialean edo oker erabiltzearen arduradun bakarra izango zara, zure sarbide-gakoa edota Aenak emandako segurtasun-gakoa erabili bada Club-eko kide gisa erreserbatutako zerbitzua egiteko. Aenak zerbitzuaren erabilera txarra egiten duten erabiltzaileen sarbide-gakoak baliogabetzeko eskubidea erreserbatzen du, baldintza hauetan aurreikusitako baldintzetan.

Aena ez da telekomunikazioen edo erakunde honetatik kanpokoak diren eta zerbitzuak ongi emateko beharrezkoak diren sistemaren eragiketak izan ditzakeen edozein etenen, sartzeko ahalmen ezaren edo akatsaren arduradun egiten.

15. Konfidentzialtasuna eta datuen babesa

Datuen babeserako Lege Orokorraren eta Datu pertsonalen eta eskubide digitalen bermeari buruzko abenduaren 5eko 3/2018 Lege Organikoaren arabera, Plataforma erabiltzen den bitartean emandako datu pertsonal guztiak Aena Club-eko pribatutasun-politikan xedatzen denaren arabera tratatuko dira. Politika hori Erabiltzaile orok onartu beharko du berariaz sisteman Club-eko kide gisa erabiltzeko eta erregistratzeko.

16. Zehaztapen eta baldintza hauetan aldaketak egitea

Aenak beretzat gordeko du baldintza orokor hauei aplikagarriak zaizkien baldintza eta aholkuak aldatzeko eskubidea. Aenak baldintza hauek aldatu ahal izango ditu, eta horren berri eman beharko die bazkideei. Alderdiek berariaz adostu dute betetzen dela baldintza hori aldaketak Aenaren webgunean (www.aena.es), Aena Club-en edo Aenaren beste komunikazio-puntu batean argitaratuta.

Bazkidea ados ez balego, bertan behera utziko da harpidetza, bazkidea bertan behera uzteko atalean xedatutakoaren arabera.

Aldaketa edo eguneratzea horiek berariaz onartzen dituzula ulertuko da, Plataformaren bidez erreserba bat egiten baduzu. Aldaketak onartuz gero, aldaketak eta kontratu berriak aurreko baldintzak osorik ordeztuko ditu baldintza berriak onartzen diren datatik aurrera egiten diren erreserba berrietan indarrean sartzeko.

17. Babes-klausula

Kontratazio-baldintza hauen klausula edo puntu guztiak modu independente eta autonomoan interpretatu behar dira, eta klausula edo punturen bat nulutzat joz gero epai judizial edo arbitraje-ebazpen irmo batek, gainerakoetan ez du eraginik izango. Eragindako klausula edo klausulak ordeztu egingo dira Plataformaren Kontratazio-baldintzen ondorioak betetzen dituzten beste batzuekin.

18. Zuzenbide aplikagarria eta jurisdikzio eskuduna

Baldintza orokor hauek onartzeko, bertan jasotako lege-oharrak ezagutu behar dira, eta haiekin ados egon; bereziki, webgune honekin erlazionatutako gatazkak Espainiako zuzenbidearen arabera baino ez dira arautuko, eta Espainiako auzitegi eta epaitegiak soilik izango dira eskudunak.