Zehaztapenak eta baldintzak

Zehaztapenak eta baldintzak

1. Helburua

 

Baldintza orokor hauek Aena S.M.E., S.A.k eskaintzen duen Aena Club izeneko zerbitzuaren baldintza orokorrak arautzea dute helburu. Zerbitzu jakin baten baldintza orokorretan eta berezietan adierazitakoa bat ez badator, azken horietan jasotakoa nagusituko da.

 

2. Aplikazio-eremua

 

Baldintza orokor hauen bidez, Aena Club zerbitzuaren kontratua arautzen da. Kontratu hori Club-eko kide edo bazkide gisa erregistratzen diren erabiltzaileen eskura jartzen du Aena S.M.E., S.A. Estatuko merkataritza-sozietateak (aurrerantzean, Aena), zerbitzuaren titularra den heinean.

 

Aenak nortasun juridiko propioa eta Estatuarenarengandik bereizia du, gaitasun juridiko eta jarduteko gaitasun osoa bere xedeak erdiesteko, eta ondare propioa. Aena S.M.E., S.A. Madrilgo Merkataritza Erregistroan jasota dago (28.806 liburukia, 211 folioa, 8. atala, M-518648 orria).

 

Aenarekin harremanetan jartzeko datuak:

Helbidea: Peonías, 12. 28042 Madril.

IFK: A86212420

Harremanetarako telefonoa: (+34) 91 321 10 00

Harremanetarako helbide elektronikoa: webpublica@aena.es
 

3. Aena Club zerbitzura harpidetzea

 

Aena Club zerbitzuari esker, Club-eko kide gisa erregistratzen diren erabiltzaileek deskontuak, sustapenak, eskaintzak, berritasunak, abantailak eta, oro har, lehentasunezko tratua jaso ahal izango dituzte, baita haiei buruzko informazio eguneratua ere.

 

Aena Club-en xede nagusia eta berezkoa da Aenaren zerbitzu propioen deskontu, sustapen, eskaintza eta abantailei buruzko jakinarazpenak bidaltzea. Jakinarazpen horiek bidaltzea ezinbestekoa da abantaila horiekin eta bazkide izatearekin erlazionatutako informazio zehatza eta eguneratua jasotzeko, baita Club-eko kide izateko ere.

 

Aena Club-eko kide edo bazkide gisa harpidetu nahi duen erabiltzaileak baldintza orokor hauek irakurri eta onartu behar ditu.

 

Zerbitzura harpidetzeko, Aena Club-eko kide gisa alta hartzeko inprimakia bete behar da, eta baldintza hauek berariaz onartu. Bazkideak Club-aren onura eta zerbitzuez baliatzeko eskubidea izango du bazkideak, baldin eta Aenak eskainitako identifikazio-mekanismoen bidez bazkide gisa identifikatzen bada. Era berean, bazkidea gure zerbitzuetako batean hala erregistratzen bada emango da Aena Club zerbitzua.

 

Erabiltzaileak bermatzen du egiazkoak eta benetakoak direla harpidetzeko inprimakia betetzean adierazten dituen datu guztiak. Erabiltzaileak hitzematen du emandako informazio guztiak haren benetako egoera islatuko duela unean-unean, eta bera arduratuko da informazio hori eguneratuta edukitzeaz. Kide edo bazkideek bazkideen erregistro-eremuaren bidez alda ditzakete beren datuak.

 

Erregistratzearen ondorioz erabiltzaileari pasahitz bat edo bazkide-zenbaki bat emango balitzaio, erabiltzaileak hitzematen du arduraz erabili eta isilpean gordeko duela zerbitzu horietan sartzeko pasahitza edo bazkide-zenbakia. Ondorioz, erabiltzaileei dagokie Aenak ematen dizkien identifikatzaile edo pasahitzak behar bezala zaintzea eta isilpean gordetzea, eta hitzematen dute ez dizkietela hirugarrenei lagako, ez aldi batez, ez betiko, ezta kanpokoei sartzen utziko ere. Erabiltzailea izango da erantzulea baimenik ez duen hirugarren batek zerbitzuak bidegabe erabiltzen baditu, erabiltzaileak pasahitza behar ez bezala erabili duelako edo galdu egin duelako.

 

4. Kluben fidelizazio-programak

 

Aena Club-eko bazkide eta kide gisa zerbitzua hobetzeko, beste klub batzuekin lotzeko eskatu ahal izango duzu. Bazkidea Club-ari lotu ahal izango zaio, edo harekiko lotura kendu ahal izango du.

 

5. Aena Club-eko bazkidearen betebeharrak

 

Aena Club-eko bazkideak edo kideak baldintza hauek bete behar ditu:

 
  • Kontratu honetan dauden Aena Club zerbitzuaren baldintza orokorrak errespetatzea.
  • Bazkide gisa identifikatzea, ziurtagiri bidez, pertsonalki identifikatu behar izanez gero.
  • Aenari berehala jakinaraztea emandako gakoak, pasahitzak edo bazkide-zenbakia lapurtu edo galdu badira.
  • Aenari berehala jakinaraztea helbide elektronikoa aldatu bada, helbide honetara idatzita: clubcliente@aena.es
 

Aenak hauek egin behar ditu:

 
  • Titularrak salatuz gero gakoak, pasahitzak edo txartelak lapurtu dizkiotela edo galdu zaizkiola, haiek baliogabetzea eta berriak ematea, ezarritako prozeduren arabera.
  • Zerbitzura harpidetzean bazkide gisa jasotako datu pertsonalak isilpean gordetzea.
  • Bazkidearen gorabehera, iradokizun edo kexei erantzutea, bezeroarentzako arretarako telefonoaren bidez, (+34) 91 321 10 00, edo helbide elektroniko honen bidez: clubcliente@aena.es.
 

6. Aena Club-i lotutako zerbitzuen baldintzak

 

Aenak mugikorretarako aplikazioa gailura deskargatzeko aukera ematen du zerbitzuan erregistratzeko eta hura kudeatzeko.

 

Kokapen-zerbitzuak gaitu badituzu (gailuaren ezarpenetako aukera), Aenak wifi bidez atzitzeko puntuei buruzko informazioa bilduko du, edo haren latitudeari eta longitudeari buruzkoa, informazio horrekin non zauden jakin dezagun eta gure zerbitzuak eskaini ahal izan diezazkizugun.

 

a) Mugikor bidezko ordainketei dagokienez, jakinarazten dizugu Aenak zure kreditu-txartelaren azken lau digituak gordeko dituela kontratatutako zerbitzua ordaintzeko erabilitako txartela identifikatzeko.

 

Aparkaleku-zerbitzua erabiliz gero, autoaren matrikula-zenbakia gordeko da, aparkaleku-zerbitzua zenbat denboraz erabili duzun jakiteko eta denbora hori fakturatu ahal izateko.

 

Aenak kudeatzen dituen VIP aretoetako baten erabilera gailu mugikorraren bidez ordainduz gero, zure NANa jasoko da, zu identifikatzeko.

 

Mugikorretarako aplikazioaren bidez ordaintzean bazkideak "Aena Club-eko" kidea dela adierazten badu, bildutako informazioa erabilita Aenak Club-eko bazkidearen profil komertziala sortuko du, Club-eko kide diren bezeroak segmentatuko ditu, eskaintza komertzial pertsonalizatuak bidaliko ditu, eta mugikorretarako aplikazioa hobetuko du.

 

b) Matrikula bidezko ordainketaaparkalekuko egonaldiak kudeatzeko eta ordaintzeko Aenaren sistema berria da. Zerbitzu hori emateko, ibilgailuaren matrikulari buruzko datuak tratatuko dira, baita Club-eko bezero-profilean erabiltzaileak jasota dauzkan kreditu-txartelari buruzko datuak ere.

 

Sistema hau Adolfo Suárez Madril-Barajas eta Bartzelona-El Prat aireportuetan aurki daiteke; aurrerago gainerako aireportuetan egongo da eskuragarri. Erabiltzaile-profilaren bidez eman dakioke alta matrikula bidez ordaintzeko zerbitzuari, Aenaren webgunea edota aplikazio ofizialak erabilita; bertan, halaber, datuak kudea daitezke.

 

Matrikula bidez ordaintzeko zerbitzua aparkalekuan sartu eta bertatik irtetean ibilgailuaren matrikula irakurri eta identifikatzean datza; beraz, ez da tiket bat eman behar sartu eta irteteko. Aparkalekuan sartzean, irakurgailuak erabiltzailearekin lotutako matrikula erregistratua ezagutuko du. Matrikula bidez ordaintzeko zerbitzua aktibatuta badago, hesia automatikoki irekiko da ibilgailua barruan aparkatu ahal izateko. Zerbitzu hau ibilgailuentzat bakarrik da. Beraz, motozikletek ezin izango dute matrikula bidezko ordainketa sistema erabili, matrikula hauek irakurtzea oso zaila baita.

 

Matrikula bidezko ordainketa sistema erabili ahal izateko, ibilgailuaren datuak eta ordaintzeko modua sartu beharko dira erabiltzaile bakoitzaren profilean. Txartel bati lotutako matrikula bat sartu behar da gutxienez. Gehienez hiru matrikula sar daitezke. Matrikula desberdinetarako txartel bera erabil daiteke, baina ezin dira matrikula bererako txartel desberdinak erabili.

 

Bestalde, ibilgailu bera erabiltzaile batek baino gehiagok erabiltzen badute, aparkalekuko egonaldi-prozesu guztia, ordainketa barne, matrikula bidezko ordainketa zerbitzuan alta eman zuen profilarekin lotuko da, hau da, matrikula erabiltzaile bakar bati bakarrik lotu ahal izango zaio.

 

Matrikula bidezko ordainketa zerbitzuan alta ematea beharrezkoa da aparkalekura sartu aurretik. Aparkalekuan sartu ondoren, zerbitzu hori aktibatzeak ez du balioko.

 

Aparkalekutik irteterakoan, erabiltzaileak ez du inolako kudeaketa gehigarririk egin beharko, hesiak matrikula bidezko ordainketarekin lotutako ibilgailua identifikatuko baitu eta aparkalekutik alde egin ahalko duzu tiketik gabe. Une horretan, aukeratutako txartelari dagokion zenbatekoa kargatuko zaio.

 

Egonaldiaren zenbateko osoa 100 €-tik beherakoa bada (azken prezioa deskontuarekin, deskonturik bada), zuzenean jo dezakezu irteerara, hesia irekiko da. Aldiz, egonaldiaren zenbateko osoa 100 €-tik gorakoa bada (azken prezioa deskontuarekin, deskonturik balitz), erabiltzaileak kutxatik pasatu beharko du ordainketa osatzeko.

 

Ordainketa egin ondoren, zerbitzuaren estatusa "ordainduta" izango da, baina txartelarekin erroreren bat gertatuz gero, zerbitzuaren estatusa "ordaindu gabe" izango da. Erabiltzaileak txartel baliodun bat sartu beharko du eta ordainketa berriro egiten saiatu, edo kutxazainarengana jo ordainketa amaitu ahal izateko.

 

Matrikula bidezko ordainketa zerbitzuaren tarifak aireportu bakoitzak ezarritakoak dira. Erreserba bidez aparkatuz gero. Sareko aireportuen tarifak ezagutzeko, sartu gure webgunera edo joan gure aparkalekuen bulegoetara.

 

c) MarketPlace bidez, Aenak hirugarren enpresen hainbat produktu eta zerbitzu eskaintzen ditu, eta bitartekari gisa jarduten du plataformaren operadoreen eta zure artean.

 

Aena Club-eko kidea bazara, kide-datuekin sartu ahal izango zara plataforman, berriz erregistratu beharrik gabe.

 

Erositako zerbitzua edo produktua behar bezala kudeatzeko, Aenak MarketPlace-ren operadoreei laga ahal izango dizkie zure datuak.

 

Halaber, zuk berariazko baimena emanez gero, Aenak bere eta hirugarrenen produktu eta zerbitzuei buruzko jakinarazpen komertzialak bidali ahal izango dizkizu zure gustu eta hobespenetan oinarrituta.

 

c) Adolfo Suárez Madril-Barajas aireportuko biometria Aenaren proiektu pilotu bat da, eta Iberia L.A.E., S.A. OPERADORA, Sociedad Unipersonal (Iberia) enpresarekin batera darama. Hari esker, bidaiariak errazago ibiltzen dira aireportuan barrena, bizkorrago igarotzen dira segurtasun-iragazkietatik, eta Iberia konpainiarekin Oviedora eta Bruselara doazen hegazkinetara sartzean identifikazio biometrikoa egiten zaie, aurpegiaren irudia erabilita.

 

Aena Club-eko kidea zaren heinean zerbitzuan aplikazioaren bidez sartzen bazara, datuak biltzeko inprimakia betetzeko erabili dira aurretik erregistratutako datuak, eta, hala badagokio, eguneratu egingo dira prozesuaren ondoriozko emaitzarekin.

 

Horrez gain, Aena Club-eko kidea bazara, gure aplikazioaren bidez erregistratzen bazara eta saioa hasita badaukazu, mezu elektroniko bat bidaliko dizugu ongietorria emateko eta erregistro-prozesuaren emaitzaren berri emateko.

 

7. Club-eko bazkidea izateari uztea

 

Indarreko legerian edo kontratu honetako baldintza orokorretan jasotako betebehar edo baldintzaren bat bete ezean, Aenak baja eman ahal izango dizu Club-eko bazkide edo kide gisa, eta zure harpidetza bertan behera utzi.

 

Bazkideak berak ere eska dezake baja emateko, Aena Club-en web-atariko profilean, "Nire datuak" atalean.

 

Aenak beretzat gordeko du bazkideren baten harpidetza automatikoki bertan behera uzteko eskubidea, baldin eta iruzurrezko datuak edo espekulatiboak eman badira edo fede txarrez erabili badira.

 

Bazkide gisa baja eman eta haren harpidetza bertan behera utziz gero, zerbitzua erabiltzeari eta Club-eko kide izatearen onurei buruzko eskubide guztiak galduko dira. Aenak beretzat gordeko du edonoiz Aena Club-etik kentzeko eskubidea.

 

8. Zerbitzua mugatzea

 

Aenak beretzat gordeko du diskrezioz, edonoiz eta aldez aurretik ezer jakinarazi beharrik gabe Aena Club-eko bazkide izateari uzteko eskubidea, baldin eta baldintza hauek eta indarreko legeria urratzen badira.

 

9. Erantzukizunetik salbuestea

 

Zerbitzu hau erabilita, zuk, erabiltzaile gisa:

 
  • Emandako datu pertsonalak benetakoak eta zehatzak direla ziurtatuko duzu, eta datu horiek xede horretarako biltzeko eta tratatzeko baimena emango duzu. Datuak nolabait aldatuz gero, jakinaraz iezaguzu, guk ere eguneratuta eduki ditzagun.
 

Halaber, Aenak:

 
  • ahalegin guztia egiten du webgune honetako edukietan akatsik egon ez dadin.
  • ez du bermatzen haren bidez lortutako informazioa zehatza edo eguneratua denik; informazio hori aurretik ezer jakinarazi gabe aldatu ahal izango da.
  • ez du bere gain erantzukizunik hartzen hirugarrenek webgunea erabiliz gero.
 

ahal duen guztia egingo du Aena Club zerbitzua eten ez dadin, baina ezin du bermatu akats teknologikorik egongo ez denik, ezta ataria eta bertan dauden zerbitzuak etengabe eskuragarri egongo direnik ere, eta, ondorioz, ez du ardurarik hartuko eskuragarri ez egoteak eta Aenari egotzi ezin zaizkion deskonexio, matxura, gainkarga edo sareko akatsen eraginez:

 
  • sartu ezin izateak eragiten dituen kalte-galeren inguruan.
  • ez du bermatzen birusik edo zure sistema informatikoa honda dezakeen beste elementurik ez dagoenik. Aenak ez du erantzukizunik izango birus edo elementu kaltegarri horien ondorioz kalte-galerak gertatzen badira.
  • Aena ez da erantzulea izango 18 urtetik beherako adingabe batek erabiltzen badu edo harpidetzen bada, ezta indarreko legeria edo zerbitzuaren baldintza orokor hauek bete ezean hirugarrenei (adingabea barne) kalte-galerak eragiten bazaizkie. 18 urtetik beherakoek erabilitako gailuetan gurasoen kontrol-mekanismoen aukerak gaitzea gomendatzen dugu.
 

Bildutako informazio guztia (adibidez, hegaldien ordutegiak, lizitazioak, informazio aeronautikoa, planoak eta lan-eskaintzak) informatzeko baino ez da. Ematen den informazioak ez du zertan xehatua, osoa, zehatza edo eguneratua izan. Lizitazioen eta lege-testuen kasuan, ez da bermatzen ofizialki onartutako testua zehatz-mehatz jaso denik. Dagozkion aldizkari ofizialetan edo prentsan ageri diren edizioetan argitaratutako testuak soilik hartzen dira benetakotzat.

 

Aenak eskaintzen duen informazioa orokorra da, eta ez dakar aholkularitza profesionala edo juridikoa.


10. Titulartasuna eta komunikazioak

 

Baliozkotzat joko dira Aenak eta Aena Club-eko kide edo bazkideak bide hauetatik izandako komunikazioak www.aena.es, SMSak, push jakinarazpenak, posta elektronikoa, telefonoa, Aenaren arreta-zentroa, eta gutuna.


11. Baldintza eta aholku hauek aldatzea

 

Aenak beretzat gordeko du baldintza orokor hauei aplikagarriak zaizkien baldintza eta aholkuak aldatzeko eskubidea. Aenak baldintza hauek aldatu ahal izango ditu, eta horren berri eman beharko die bazkideei. Alderdiek berariaz adostu dute betetzen dela baldintza hori aldaketak Aenaren webgunean www.aena.es, Aena Club-en edo Aenaren beste komunikazio-puntu batean argitaratuta.

 

Bazkidea ados ez balego, bertan behera utziko da harpidetza, bazkidea bertan behera uzteko atalean xedatutakoaren arabera.


12. Zuzenbide aplikagarria eta jurisdikzio eskuduna

 

Baldintza orokor hauek onartzeko, bertan jasotako lege-oharrak ezagutu behar dira, eta haiekin ados egon; bereziki, webgune honekin erlazionatutako gatazkak Espainiako zuzenbidearen arabera baino ez dira arautuko, eta Espainiako auzitegi eta epaitegiak soilik izango dira eskudunak.